Гоо зүйн мэдрэмж өгч, сэтгэл ханамж, тав тухыг дээд зэргээр хангах эдгээр хивсийг 100 хувь хонины ноос ашиглан үйлдвэрлэсэн байна. Учир нь хонины ноос нь хивс үйлдвэрлэхэд хамгийн тохиромжтой түүхий эд бөгөөд байгалиас гал дэмжихгүй байхаар бүтээгдсэн билээ.

Хивс заримдаа интерьерийн эдлэлүүдтэй хоршиж, эсвэл бүр онцгойрон тодорч орчныг чимж байдаг өвөрмөц үүрэгтэй дизайны элемент юм. Үйлчилгээний зориулалтаас шалтгаалж маш олон талын үүргийг давхар гүйцэтгэдэг бөгөөд зочид буудал, хүндэтгэл ёслолын болон хүлээн авалтын танхимд хивс байх нь хамгийн тохиромжтой.